احبچ یا فلاحیتی/ملافاضل السکرانی
احبچ من نمت بفیای نخلات الشتلهن خالنا سبیتی

 
احبچ من بنا البنّای من معدن ذهب طینچ كَسُر بیتی

 
احبچ یا فلاحیتی***احبچ یا فلاحیتی

 
****

 
احبچ یالغفیت ابحضنچ الدافی وغطای الحاف عتبارچ

 
احب امعارچ الیحچی ابخبر حمده و یملها البالوحل بارچ

 
احب فتنه و صریچ اچعاب اخو فتنه الیزوغل چان ویعارچ

 
***

 
احب هلهولة ام عید التهز اید الفرح بلعید وتبارچ

 
احب كوتچ وحب ابیوتچ البیهن احلام ایام تذكارچ

 
احب سُورچ وحب خُورچ و حب ابخورچ المنتشر بكتارچ

 
***

 
احب شطچ وحب اچفایفه الخضره وضحچها الرگّص اشجارچ

 
احب ریفچ وحب لبطت مشاحیفیچ الفرها الكنص بهوارچ

 
احب نورچ وحب نارچ وحب اشتم روایح عطر نُوّارچ

 
***

 
احب رشّت مُطر غیمیچ وحب ابریمچ الیضحك الكنطارچ

 
عروس اموشّحه ابنخلچ وهاذ اجمل وشاح الحله ابزنّارچ

 
احب یومچ وحب امسچ وحب شمسچ الیشرق نورها ابدارچ

 
***

 
احب كذلة شعر لیلچ وحب وَجَنة ضحاچ الضوّت انهارچ

 
احب قهوة سخی امضیفچ الرن فنجانها وشربوه سُمّارچ

 
احب سُمّارچ السهر وابنادى البیه علگو زینة اشعارچ

 
***

 
احب سنبل فخر زرعچ وحب ضرعچ الدّر دُر سخی الخطارچ

 
احب ثوارچ الثارو وحبها الهلهلت لفعال ثوّارچ

 
احب احرارچ الصدّو اجیوش العزّمو یمحون اثارچ

 
***

 
احب زلمچ الگصو راس ابو طوگ الیدنّس راد شنیارچ

 
احب قومچ الهزمو جیش ابو طوب و رجع مغلوب المعارچ

 
غزوچ الكفر چم مرة لچن یخسون ما وصلو الفی دارچ

 
***

 
احبن نخوة الغیرة نخوتچ یوم ابعامر تنخیتی

 
وعله هام الغزو بسلاح عز قومچ الماذلّو تعلّیتی

 
احبچ یا فلاحیتی***احبچ یا فلااحیتی

 
***

 
و انه ازغیر احب كاسچ البی من در لبن خیرچ ترؤّینی

 
وانه ازغیر احب شهدچ الیتگاطر حنان و بی تغذینی

 
و انه ازغیر احب رجتچ المنها ابمسعط امحنتچ تغرّینی

 
***

 
و انة ازعیر احب مهدچ البی نمت الضحی وبیدچ تهزّینی

 
و شوفچ چنت بحساسی وحسّن بیچ یم راسی وتحاچینی

 
محبتچ ثابته اببالی ابدلالی ابوسط چبدی اببطن عینی

 
***

 
خیالچ ما یفارجنی امرافجنی ویلاعبنی ویسلّینی

 
احبچ ای وحق ربچ وادری ابكثر ما حبچ تحبّینی

 
احبچ وختلط حبچ ابدم شریان عُمری و مُهجة اسنینی

 
***

 
عبیر امحبتچ یسری سره ابروحی و سره ابدمی و شرایینی

 
الومه الفارگچ ساعه صعب فرگاچ ما ینحمل یاذینی

 
یحلوه امعانگچ سلوه قبل ما شبگچ ابشوگچ تشبگینی

 
***

 
عِشت بربوعچ الخضره و هواچ امریحنی و مایچ امربیّنی

 
ببراچ شرقدت وَدری من ابرد بید تحنانچ تغطینی

 
اشمالج بالمسه اعذیبی یونّسنی و ینعّسنی و یغفّنی

 
***

 
اسابیعیچ تدغدغنی ابطیفی و صوت عاطفتچ تناغینی

 
و تحرّکنی الفجر نسمة صباچ ابمسچ ریحتها توعینی

 
یمر یحنی الصبح لطفچ الشوگه ایجیبنی و للود یدنینی

 
***

 
اترابی اترابچ الغالی و طینچ طین جدی او والدی وطینی

 
امن اموت اتوسّد اترابچ الغیرچ ما اود واحد یودّینی

 
یحبچ طبعی و ربعی تحب الزارنی و بسمچ یغنینی

 
***

 
احبّچ مُوش بس هسّاع احبّچ چی شبت وبیضّت الحیتی

 
احبّچ من چنت یاهل و تتطوطح علی المتنین ترچیتی

 
احبچ یا فلاحیتی***احبچ یا فلاحیتی

 
قصیده احبک یا ظبی الوادی:

 
احبک یا ظبی الوادی****لو لحظک رمی فوادی

 
اود اسهام نظراتک****الصابن گلبی الصادی

 
ایا شربی الحلا بکاسی****وچلمتی و گهوتی وزادی

 
اویا غنّاوة الغنّن****اوصوت البی حدیالحادی

 
چنت سر منوتی و شوگی****البیک اتحقّقامرادی

 
اوچنت الما یشح وصلک****اوکل وکتک علیبادیی

 
غادی الاصبحت عنّی****بعید اشبعّدک غادی

 
یچنت افدیک بگلیبی****و انته الچنت الیفادی

 
احس ابروحی اتحبک****من اول یوم میلادیی

 
وردة روض بستانی****او عین گلادة ابلادی

 
او یا سنبلة نیسانی****و سروری و بسمةاعیادی 


:: موضوعات مرتبط: ملافاضل السکرانی , قصاید , ,
:: برچسب‌ها: احبچ یا فلاحیتی/ملافاضل السکرانی ,
|
امتیاز مطلب : 41
|
تعداد امتیازدهندگان : 12
|
مجموع امتیاز : 12
نویسنده : رضا نبگانی
تاریخ : یک شنبه 24 ارديبهشت 1391
قصیدة الشعر/ملافاضل السکرانی
یصعب علی الناس یصعب موت كل شاعرلبیب

 
واصعب من الصعب موت العبقری الواعیالادیب

 
یصعب علی الناس فگد الشعر و لینظم اشعار

 
الشعر یرفع راس باس الشرف و یزید الفخار

 
الشعر راده ابكل إراده الحاز كل معنیالشعور

 
الشعر روح من السعاده و عطر للشمه و بخور

 
الشعر وابل مطرو سمی و هطل بیام الربیع

 
الشعر اسمك یخی و اسمی الیظل ثابت مایضیع

 
الشعرذوق اهلی وبلادی ورایه وحچایه وخبر

 
الشعر سیل الجره بوادی الما بطراد انعبر

 
الشعر اغلی الجنس جنسه الشعر دیباجة فخر

 
الشعر لذة الشعر ونسه الشعر بالنادیازدهر

 
الشعر اوزان و قوافی الشعر میزان الكلام

 
الشعر ماهو ریح سافی الینگل مذمة ملام

 
الشعر تحویه بمشقه و فكر رقاد و وسیع

 
الشعر نظمه ایرید دقه یحققه وعی المذیع

 
الشعر تهتم بیه ربعه و یهتم موت الیفتهم

 
و العلم محمود طبعه و یغث فگد اهل العلم

 
الشاعرمن یموت خله اتصیربربوع الاشعار

 
الماجد من یفوت وجده یخلف بكل سلف نار


:: موضوعات مرتبط: ملافاضل السکرانی , قصاید , ,
:: برچسب‌ها: قصیدة الشعر/ملافاضل السکرانی ,
|
امتیاز مطلب : 37
|
تعداد امتیازدهندگان : 14
|
مجموع امتیاز : 14
نویسنده : رضا نبگانی
تاریخ : یک شنبه 24 ارديبهشت 1391

صفحه قبل 1 صفحه بعد